Endimi itaano za rukundo (Five Love Languages)

Endimi itaano za rukundo (Five Love Languages)

Aha hariho ebikuru ebirikukwata aha ku abantu barikuherezana obutumwa bwarukundo. Obumwe nobumwe, emikago nefa, nobushwere burema ahabwokushanga ababurimu barikugamba endimi za rukundo zitarikushushana. Baremwa kwetegerezana, harigamu emirabanamu miingi.

Abantu abaingi nibagamba endimi ezi zoona kwonka oshanga nibamanya zimwe kukira ezindi. Nekyamazima, tweena buri omwe naba ayine orurimi rwe nari endimi ezarikumanya. Abantu kubarikutworeka rukundo barikukozesa endimi za rukundo ezeitu zenyini, tuhurira buzimakwo tukunzirwe.

Kubarikukozesa endimi zarukundo ezindi ezitari ezaitu titurikuhurira rukundo yaabo. Ahabwokuba Yesu akaba ari akamanyiso karukundo ya Ruhanga omunsi, akabasa kukozesa endimi za rukundo zoona omukuherezakwe.
Oririmi rwo’kukukwataho (the language of touching):

Yesu akaakira abaana bato yabakikira yabaha omugisha, kandi akakwataho nababembe.
Orurimi rwokukwataho, ahamukundwa wawe, tikirikumanyisa kukwataho ahabwobwenzi.

Okutera akahi kobunywani ahamugongo, okwimata omungaro neinga ahaibega nakyo nikihisya obutumwa bwarukundo. Omukundwa wawe kuyakuba arikukunda okukwatwaho naba nayetenga okukwatwaho okurengire ahakukwataho kwobwenzi nikwo abone kuhurira akunzirwe. Omunganda ezimwe, okworeka rukundo omubantu tikirikwikirizibwa, kwonka nekintu kikuru munonga kukwataho omukundwa wawe nobumwakuba muri omubandi bantu.
Orurimi orwokuhereza ebiconco (the language of giving gifts)

Yesu akahereza ekihembo kyokukiza.
Abantu abarikutwara ebiconco nkakabonero ka rundo niguba gutari mururu; kureka nibakireeba ngu omuntu naba nakutekyerezaho munonga rero akworeka rukundo ye arikukozesa ekihembo.

Ebihembo tibirikwetenga kuba bihango narishi byingi. Ekihembo nekyokworeka ngu noba nobatekatekaho, nobworikuba otarinabo. Namunonga waaba nokorera hare n’abamaka gawe, okuboherereza ekihembo nekintu kikuru munonga.

Orurimi orwebikorwa byembabazi (the language of acts of kindness).

Yesu akanabisa ebigyere byabegyibe, kandi akaba ahwera boona ababeire bamuhereire atarikutegyereza ngu babanze bakimushabe. Ebikorwa byembabazi, kabibe bihango nari bikye, nakamanyiso karukundo kamaani ahabantu beingi.

Kuyambaho omumirimo eyotakizire kukora, nkokuteerana ekidore kyomwaana, kukwatira mugyenzi wawe orwigi yaaba narabaho, nebiindi, nibiba biri bikuru munoonga. Ebikorwa ebi nibiba nibimanyisa ngu “ori owomuhendo mwingi aharinye, ninkukunda”
Orurimi rwokukozesa ebigambo byokugumya (the language of using encouraging words);

Yesu akahereza okugumya kwoburinganiza ahari aba ababaire bakushemereire. Okuheisereza amuntu ahanshonga zitahikire tikirikuyamba.

Abaantu abarikukunda ebigambo byokugumya, nibakunda kuhurira ebyamazima ebirikubakwataho-“okukugambira amazima okozire munonga ahanshonga egi” enshusha yomwenda ogwojwire nekurebekyesagye munonga” “oyine omuriingo gwomutano ogworikukoramu ebintu”

Orurimi orwokumara obwire hamwe (the language of spending time together)

Yesu akaba amara obwire n’abegi be, kandi nabanywanibe nka Mariya, Mariza hamwe na Razaro. Abantu abomuringo ogu, nibareba obwire bwawe kiri ekintu kyomuhendo kworikubumara nabo, bahurira kubakunzirwe.

Obwire bwokumara hamwe tiburikwenda kuba bureingwa kubwakuza kuba burungi. Obwire bwokumara hamwe oburungi bwabwo tikirikumanyisa ebyokurya by’ebeyi, kureka nikimanyisa omuntu nakufaho kandi nakutaho omutima.

Ekyo, nakireeba nkakabonero komugasho ogu akwinire kandi narukundo eyomwiniire. Kworikukitekyerezaho noshanga ingu ebikorwa ebimwe nibiterana hamwe endimi ibiri nokukiraho.

Obundi eki nikishoborora ahabwenki ebikorwa nkokusimuura ahamugongo nkekikorwa kyembabazi nokumara hamwe obwire birikukira kugenda hamwe.
Emizaano ehandikirwe

Okubagana ebintu birungi omumagara (sharing good things in life)

Ekicweeka 1:

Omushaija: Ashutami nomukaziwe, kandi ayine enshaho yebyokurya birungi naguma nayihamu engaro eyijwire nagyiigatira omukanwa.

Omushaija: (eeeh, ebyokurya ebi nibirungi. Naaba nyine enjara, kwonka ebyokurya ebi binuzire. Naaba nintekyereza ahabyokurya ebi eizoba ryona. Kandi mazima nashemererwa. Omushaija yata ebyokurya byingi omukanwa, yarisa obwira kandi arikwekora omumatama.

Omukazi: “omukundwa, ebyokurya ebyo nibirebeka biboneire buzima. Nanye nimbasa kutungaho nindyaho?”

Omushaija: nekyabuzima nobasa, nomanya ingu ninkukunda munonga.
Omushaija atyo amubeguriraho keingana busha. Akamuta omungaro ezategire nekihika. Omukazi akareeba, akata omukanwa kwonka atashemereirwe. Omushaija agumizamu nayigatira omukanwa ke engaro zijwire, kandi arikurisa amani.

Omukazi: (oooh, nibirungi, kwonka kaba nikingana busha tinakyetegerezagye okubinuzire. Nobasa kumpaho ebindi?

Omushaija: Nkabire ninkunda ingu nkuhe ebindi, kwonka nikirebeka byakyendera, ebyasigaramu nibyigusa nyowe nyenka. Bambe gira okugumisiriza.
Ekicweka 2:
Omushaija ashutami nomukaziwe, kandi ayine enshaho eyijwire ebyokurya aharubajurwe.

Omushaija. Obunaba ninyija nahurira nyiine enjara nyingi, nikwo kuraba ahaduuka nkaguraho eminekye (neinga ekindi kyoona). Nimingi munonga, naija nentera akahoho omuhanda gwoona, mbwenu nshemereire kuba nintandikiraho, toora naiwe oryeho. (Yaihamu yahereza omukazi, nawe yaihamu eye, boona barya)

Omukazi .Eminekye egi enuzire munonga. Webare kunteekateekeho, kandi okareta omuka ngu turye hamwe.

Omushaija .Nikinshemeza, nareba nonurirwa, toora nendijo oyerire.

Omukazi. (Yareba omunshaho) kuhateine yasigaramu, ati shana toora ogu obe neiwe wagurya.

Omushaija. “Ngaaha reka tugubagane” buri omwe yabegaho ekicweka, omushija yakitamika omukazi nomukazi nawe yakora atyo. Omushaija nomukazi boona bagambira ahaiguru.”Ooh reeba gwanura mmunonga ogutwagaburirana.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s