EMIZAANO

OMUZAANO GWOKWOREKA OKUFEBWAHO

Fransisko yagyenda nomukaziwe Rusiya, baaza kutambura ahamugyera ahabwokuba namanya ingu Rusiya asibire nahiinga, naakora emirimo yahaka kandi nareberera abaana.

Omurugyendo rwabo yaguma namugambira ku arikumufaho munonga, yamugira ingu nomukazi ayine embabazi kandi nomukozi, yamugira ingu nomukazi murungi, omuzeire kandi arikubasa amaka.

Nomumeisho gabanywani baabo, Fransisko yaguma namugambira ku ari nkunziye, kandi ku’arikuteka ebyokurya birikukirayo kunura omunsi yoona. Nasiima munonga Fransisko ahabwokutamburamu okubarikugira hamwe.

Kandi omumutimagwe namanya ingu nowomuhendo ahari omukundwa wawe.

OMUZAANO OGURIKUKWATA AHAKIGAANIIRO

Kubaheza kurya kyakiro, Fransisko yashutamisa Rusiya ahansi omukishengye yamubuuza ok’izooba ryamugyendera, hamwe nemirimo eyiyakora.

Yahurikiriza ebi Rusiya arikumugambira nkok’izooba ryagyenda, ateireho omutima kandi arikworeka obuzunanizibwa.

Fransisko yaruga ahamurimo, aruhire, kwonka namanya obukuru oburi omukuganiira nomukundwawe kandi nikyoreka okukunda kwe ingu amwetegyereze.

OMUZAANO OGURIKWOREKA OKUHA EKITINISA:

Rusiya nayetegyereza kandi nasiima ebirungi n’obusinguzi bwa’Fransisko, naguma namwijutsya okubaasa kwe, kandi amuhwera kuguma nagyendera omuri Mukama Ruhanga, kandi arikweyikiririzamu.

Rusiya nayehuriza omusheijawe, kutari kwepanka kwonka nkakamanyiso kokwegomba okwayine ahamusheija owarikukunda kandi owatoreine kubagana nawe amagarage goona.

Okuhikaanisa ebitekateeko ahanshoonga yokufayo ahaka;

Fransisko nafayo munonga ahakaye. Namara obwire bwingi arikwimusya ekaye omubyomyoyo, emicwe nanokumanya kw’abaanabe.

Nashaba nabo, abashomera ebitaabo, azana nabo, ababuza ahakushoma kwabo. Abaanabe kubarikugira emicwe mibi nabagorora kandi abashomesa kukoragye, kandi ayambaho nyinabo.

Tarikubasa kuza nabanywanibe omu baara ingu obwire bwirireyo. Tarikukunda kuruga omuka omukaziwe nabaana be baaba bariyo.

Nobwarabe nakora hare kandi akamarayo obwire, naguma natera esimu kandi nabahandikira amabaruha kworeka ingu nabafaho. Kwarikugaruka omuka, namara obwire bwoona n’ekaye.

Noteekatekaho kyi ahabibuujo ebi;

1. Okufayo kwabasheija ahamaka gaabo kiine bukuruki ah’abakazi babo?

2. Nihabahoki omusheija kuyakubura kufayo ahakaye?

3. Ahabwenki omusheija arikufayo ahakaye arikubasa kutangira oburwaire bwa sirimu obutataaha omukaye?

4. Omusheija nabasa kukoraki kwenda kworeka okufayo ahakaye?

Okuhikaanisa ebitekateeko ahanshonga yokuterana omubyomubonano;

Rusiya kuyashwirwe Fransisko, yamubera murungi munonga omukuterana omubyomubonano. Namanyagye ekirikushemeza eiba omukuterana, kandi nayemanya ekirikumushemeza.

Ebi nabigambira eiba, kandi bakwatanisa kwega ebiratume boona baguma nibashemererwa omukuterana kwabo.

Fransisko tarikubasa kuza omubakazi abandi, ahabwokuba omukaziwe namumanya kandi amushashanura amumara obwenzi.

Notekatekahokyi ahabibuujo ebi;

1. Kyiine mugashokyi omukazi okuhereza eiba okuterana omubyomubonano kurikumara?

2. Nihabahoki omukazi kuyakuba atarikubasa kandi atarikwenda kuhikiriza ekyetaago eki?
3. Ahabwenki abashwereine abarikumarwa omubyokuterana kwabo barikubasa kutangira oburwaire bwa sirimu omuka yabo?

4. Omukazi nabasa kukoraki kwenda kutungura omutindo gwokumarwa kwomushaijawe omukuterana omubyomubonano?

Okuhikanisa ebitekateeko ahanshoonga yokugira omukundwa arikusikiriza;

Rusiya ayine oburungi obwaheru nomunda. Ayine omutima gwobwa Kurisito omuriwe. Narya kurungi kandi akora ebisasayizi kuguma ayine amagara marungi.

Nakora ishokye kandi ajwara omumuringo gurikusikiriza omwamiwe. Omusheijawe namwesimisa omuka nomubantu.

Ahabwa Fransisko, Rusiya ni “nyamunyonyi”…

Notekatekakyi aha bibuujo ebi;

1. Kyiine mugashokyi omukazi kurebekagye nanoburungi bwe bwona ahariba?

2. Nihabahoki omukazi kuyakuba atakufayo kurebekagye?

3. Ahabwenki abashwereine abarikurengaho bombi kuba abarikusikirizana barikubasa kutangira oburwaire bwa silimu omuka yabo?

4. Omukazi nabasa kukoraki kwimusya omutindo gwendebekaye?

Kuhikanisa ebitekateeko aha kubeisaho eka.

Rusiya nabasa kukorera ekaye, ekaba omwanya ogu Fransisko arikubasa kuruhukiramu, akagira obusingye. Natebekanisa eka kandi areberera abaana.

Ekaye buzima nomwanya murungi gwa Fransisko gwokuhumuriramu.

Notekatekahokyi aha bibuujo ebi;

1. Omukazi okutebekanisagye ekaye kyiine mugashokyi ahamusheijawe?

2. Nihabahokyi omukazi kuyakubura kutebekanisa ekaye?

3. Ahabwenkyi omubushwere ahomukazi arikurebereragye ekaye nibubasa kurinda eka oburwaire bwa silimu?

4. Omukazi nabasa kukoraki kwenda ingu ekaye egume etebekanisibwegye?

Okuhikanisa ebitekateeko ahakumara obwiire nomukundwa;

Rusiya nomusheijawe, beine ebigyendererwa byabo. Rusiya nareeba emirimo eyi Fransisko arikukunda kukora kandi nawe aguma nagyejumbamu okuhitsya obwarikubasa kugishemererwamu, rero atandika kugikora nawe.

Emirimo eyarikureba atarikubasa kushemererwamu aguma namugambira kugireka, ingu bakore egyo eyibarikubasa kushemererwamu boona. Naregyezaho kunywaana eiba, ingu abone kuguma namwehitsya omumirimoye.

Noteekateka kyi aha bibuujo ebi;

1. Ahabwenki omubushwere ahu omusheija nomukazi barikwejumba hamwe omumirimo etariemwe barikubasa kutangira oburwaire bwa silimu?

2. Omukazi nabasa kukoraki kugira ingu akunde okuba omumirimo yomusheijawe, kandi omusheija nabasa ata kureba ingu omukaziwe yayejumba omumirimoye?

Kuhikanisa ebitekateeko aha kuhereza ekitiniisa

Rusiya nayetegyereza kandi nasiima ebirungi n’obusinguzi bwa’Fransisko, naguma namwijutsya okubaasa kwe, kandi amuhwera kuguma nagyendera omuri Mukama, kandi arikweyikiririzamu.

Rusiya nayehuriza omusheijawe, kutari kwepanka kwonka nkakamanyiso kokwegomba okwayine ahamusheija owarikukunda kandi owatoreine kubagana nawe amagarage goona.

Notekatekahokyi ahabibuujo ebi;

1. Omukazi okuha omusheijawe ekitinisa kiine mugashoki?

2. Nihabahokyi omukazi kuyakubasa kubura kuhereza eiba ekitinisa?

3. Ahabwenkyi abashwereine barikuherezana ekitinisa barikubasa kutangira oburwaire bwa silimu?

4. Omukazi akaakorakyi kwenda kworeka eiba ingu namutamu ekitinisa?

Kuhikanisa ebitekateeko ahakugira amazima noburinganiza;

Fransisko nareba omumaisho ga Rusiya, ayijwire rukundo, kandi amugambira ekyarikutekateka. Namushoborora entekateka yayine ahamirimoye, nebikorwabye, nebyomumaisho omubwijwire ahabwokuba nayetwaramu kuba niwe matsikoge.

Namugambira byona ebirikumushasha kandi amushoborora oku arikwenda ingu amuhwere. Nayenda ingu amwesigye kandi ahurire ahamire.

Noteekatekahokyi aha bibuujo ebi;

1. Omushaija kugira amazima noburinganiza ahamukaziwe kiine mugashokyi?

2. Nihabahokyi omushaija kuyakuremwa kugira amazima noburinganiza ahamukaziwe?

3. Ahabwenkyi abashwereine abaine amazima noburinganiza barikubasa kurinda obushweere bwabo endwara ya silimu?

4. Omusheija nabasa kukoraki kugira ingu ayeyongyere kugira amazima noburinganiza ahamukaziwe?

Kuhikanisa ebitekateeko ahabyobugeiga nebyetaago byeka;

Fransisko ayine obujunanizibwa bwokwombekyera, kurisa nanokujweka ab’ekaye. Nahereza ekaye kandi abarinda, kandi tarikugira kwerarikirira ebintu byagyenda kubi, kureka nagyezaho kuronda omuringo oguyakutungura ekaye.

Nayetenga kukorera ekaye ebintu byingi nanokutungura omutindo gwebyamagara nokushemererwa kw’ekaye. Nagyezaho kureba ingu ekaye eyine obutimba bwensiri, batakarwara omushwiza.

Naretera abaanabe emigaati kandi nomukazi amuretera emyeenda. Obwahati nakora nabiika ahabwokuba natekateka kwongyeraho ekishengye ekindi ahanju nokugishakaza amabati marungi.

Fransisko Na Rusiya nibakorahamwe munonga kubasa kugira ebyokurya ebirikumara. Fransisko nayenda ingu ekaye ebase kubagye.

Noteekatekahokyi ahabibujo ebi;

1. Omusheija kugira obugaiga nebyetaago birikumara kyiine bukuruki ahamukaziwe?

2. Nihabahoki omusheija yaremwa kuhereza omukaziwe n’ekaye ebyobugeiga birikumara?

3. Ahabwenki abashwereine ahomusheija arikuha omukaziwe ebyobugeiga birikumara nibabasa kurinda eka yaabo oburwereire bwa sirimu?

4. Omusheija akaakoraki kugira ingu ahereze omukaziwe nekaye ebyobugeiga birikumara?

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s