Emihanda yokumaraho obutikirizana:

Emihanda yobwiinazi yokumaraho obutikirizana:

Emihanda erikukirayo obubi omukumaraho obutikirizana negi;

1. Okuhakanisa: omuri eki harimu okutwara omukundwa wawe kuba niwe kizibu nkekizibu. Okuhakanisa nikukwaata munonga ahamicwe yomuntu.

2. Okugaya: kurimu okugamba ebigambo neinga okugambisa omubiri okurikworeka obutaha omukundwa ekitinisa neifubo, okumweta ebikubyo, kuhindura amaisho kutunga akakumu nebindi.

3. Obuteikiriza nshobi yawe: omu harimu okucwera omukundwa wawe omushango, obwo orikweyihaho obujunanizibwa bwawe kandi orikutaho rwekwatso ahanshobi zawe.

4. Kwehuzya: omu harimu omukundwa wawe yaba nagyezaho ingu muganiire ahanshonga. Kwehuzya okuganiira ahanshonga nikyoreka ingu torikwenda kumaraho ekizibu ekiriho.

Ekitebyo kya Ntooni na Mariya

Ntooni na Mariya bamazire emyaka munana omubufumbo kandi beine abana bashatu. Ntooni nakora nekigombe kyebyobuhingi kandi buri izoba, namara eshaha 10-12 ahamurimo.

Ekirikumanyisa ingu Mariya ayine kukora ebindi byoona. Natebekanisa abaana baza ahaisomero, ataha amaizi ahaiziba eriri hareho biri eizooba, aza omumusiri kandi aboneza eka, agaruka aheisa ebyokurya omubwire. Omumwabazyo Ntoni na Mariya boona nibaba baruhire munonga.

Mariya tabasize kurebereragye ahaka, ahabwokuba emisiri nemutwarira obwire bwingi ahabwobwire bubi. Eizoba rimwe bakagiraho obutikirizana, Ntooni akaruga kukora yashanga esafuriya ne siyani byoona bitoogize, enju eteyerire kandi omuka hateine ariyo.

Kuhahwireho eshaha emwe, Mariya yayija naruga omumisi ayekorire ameizi kandi ahekire omwana wabo omuto ne byokukozesa bye. Ntooni yagaruka omunju nayomba kandi azoire amaisho…. “Nobasa ota kuba omukazi womugara arikukirayo?”

Reba omwanya ogu okugurikushishana! Toyine kiwagasha erizoba! Burikimwe tikitereire, oburungi bwawe nobwabusha!!! Omukumugarukamu Mariya akahenda omutwe yayesasiza; atyo yataha omunju kutebekanisa nanokuteeka kyakiro. Ntooni yateraho orwigi namaani atyo yashohora.

1. Ahabwenki omuhanda ogu Ntooni yakozise omukizibu eki guri ogwobwinazi?

a) Akacwera Mariya orubanza ahabwobutahikiriza mirimoye

b) Taramuhaire kitinisa kandi yamweta ebikubyo

c) Akamuzorera amaisho

d) Akarwanira omumaisho gabaana

e) Taraheire Mariya omugisha gwokwegambaho

f) Tarayikirize ingu ekizibu eki nikimukwataho

2. Ntooni akaba nabasa ata kumaraho okugamba kubi okuyabaire ayine omumuringo ogurimu rukundo?

a) Akaba naza kutandika nayegambaho agira ati, “nimpurira ninkwatwaho ahamuringo gweka yeitu erikurebekamu ahabwemirimo yitwine. Notekateka ngu nitubasa kukoraki?” Ekyi nikyoreka ingu nawe ekizibu nikimukwataho, kandi tarikucwera mugyenziwe orubanja.

b) Akabasize kusiima Mariya ahabwokukora munonga

c) Akategyereize abaana babanza baza kubyama rero abona kureta enshonga.

d) Akamurekire nawe agira ekiyashoborora ahanshonga egi.

Emihanda emirungi yokumaraho obutikirizana:

1. Shorora ebizibu ebirikubasa kumarwa nanebyo ebitarikubasa kumarwaho. Abashwereine tibarikubasa kumaraho obutikirizana bwoona, kandi tikirikwetagisa. Obwire bwawe obute ahabizibu ebikuru kandi ebirikubasa kuhwaho.

2. Ronda omuhanda murungi kandi ogurimu eifubo ogu oratandikemu kutaaha omu nshoonga nokuzigambaho. Gira amazima noburingaaniza, kandi ogire okugumisiriza. Enfumu 15:18, “Orahuka kubakirwa aimutsya entongane, otarahuka kugira kiniga acureza empaka”.

3. Ba omuhurizi murungi; okuhurikiza okurungi kurimu okutaho omutima ahakibarikugamba, kumugumyaho amaisho kandi otakagarukiremu obanze wagarukamu ebiyagamba kwenda kuhamya ingu wabyetegyereza. Okuhurikiza okutarimu okwetonganaho nikimanyisa okutaho omutima aha kyomukundwa wawe arikugamba kukira okumucwera orubanja neinga kwetonganirira. Yakobo 1:19, nihagira hati, “Omuntu weena arahukye kuhurira, kwonka atarahukiriza kugamba, nokugubwa kubi ahakuba ekiniga kyomuntu tikiretaho kuhikirira oku’Ruhanga akunda.

4. Sasira kandi oshabe okushasirwa. Yemera enshobi zawe kandi osaasire enshobi zomukundwa wawe.

5. Gorora enshobe zawe, okugorora enshobe nigubasa kuba omuhanda gworobi gwokushaba okushasirwa. Kandi nikikuru kishobezibwa kwikiriza enshobe zikahingura.

6. Endwano zanyu muzirekye omubwesherekye. Tikiri kirungi kurwanira omumaisho g’abaana nabantu abandi. Mwerinde enshonga zaanyu muzigambeho muri mwenka, kwerinda okutaburwa abandi bantu abazireeba.

7. Oyeyegamize eshonga; otakayegyekyerera omukundwa wawe orubanja.

8. Otakaretamu ebyenyima; shoborora enshonga eriho hati.

Okumaraho obutikirizana okurungi nikimanyisa;

1. Kugira amazima, oburinganiza nanokugumisiriza

2. kukozesa okuhurikiza neifubo

3. kwemera enshobe zawe

4. kusasira enshobe zomukundwa wawe

5. kushaba okusaasirwa ahabwenshobe zawe nokugamba kubi

6. kweyegamiza enshonga okareka kuchwa emanja

7. kuhamira ahashonga eriho hati

8. Kandi kukiira byoona, biika ekitinisa kyomukudwa wawe nobworabe oyiine ekiniga nokushasha.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s