EKIRAGAANO OMUBUSHWEERE?

EKIRAGAANO NIKYI?

Endagaano neinga okuragaana okurikukorwa abantu babiri. Ekiragaano kine obumanyiso obu,

Ekiragaano nokukikora ahabwoburungi bwamugyenzi wawe

Omumukago ogwekiragaano abantu nibakora okuraganisa okuteine byokukuratira.

Omukago gwekiragaano nigurugirira ahari rukundo egororokire.

Omukago gwekiragaano nigutwara okwehayo kwomuntu kuba okwobutweire bwoona.

Omukago gwekiragaano nigwetaga okushobezana nokusasirana.

Ebirungi byokukora okuraganisa oyeheireyo

 Nikiija kuhereza omukundwa waawe okushemererwa.

 Banywani baawe nibeija kukutwaramu kugira obujunanizibwa omubigambo byaawe.

 Okwehayo kwaawe nikwija kukuyamba kukuratira okuraganisa kwaawe kuba omwesigwa omubushwere.

 Nikiija kuha amani abantu abandi kuba abesigwa omubushwere.

 Nikiija kuhwera abandi kumanya ingu tibo bonka abarikusharamu kuba abesigwa omubufumbo bwaabo.

Zimwe ahanshoonga ezirikuremesa abantu kuhikiriza okuraganisa kwabo;

1) Obutagira okukwatwaho

2) Empaka zaburi kaanya

3) Kweeta ebikubyo

4) Kushisanisa omukundwa wawe nabakundwa abandi

5) Kubura ekitinisa, obukuru hamwe nokusiima

6) Kutwaramu omukundwa wawe nkomuntu ateine mugasho

7) Omukundwa Atari mwesigwa

8) Kubura obwerinzi

9) Omururu gwa sente nebintu

10) Etsindo

11) Ekyetaago kyokuterana omubyomubonano omubwire obu omukundwa wawe arikuba ari omusafari neinga ahamurimo

12) Nikikirizibwa- abakundwa beingi tibari besigwa.

Akazaano kokubuzibwa aha radiyo:

Omuraangi: (Akakwata empimbi, yagikozesa nkomuzindaro). Yagira ati, “Musibiregye abampurikize, ekituresire aha ogu mwebazyo, nokuganiira nomukazi ogu atandikire obushubuzi omuri ogu myanya gwomu rurembo rwaitu”. Arikworekyereza omuzindaro aha mukazi, yagira ati.

“Hatishi mwaana, nindeba ori omwishiki murungi oyemereire aha, orikugamba nabasheija beingi abarikuhingura. Nobaasa kungambira ekyorikukora?”

Omwishiki: Iwe ogumire oyesherekire nkahi? Enyima y’omuti neinga enyima y’enju? Iwe notekyereza ingu ninkoraki? Nindonda ba kasitoma abakuba nibenda kwehamu nanye omwebazyo ogu. Kubarabe beine sente, nanye nyine nyine ekyomubonano. Nintekyereza ingu okugambira aha radiyo yawe nikiija kundetera bakasitoma beingi!!

Omuraangi: Ooh! Noronda bakasitoma, abarikwenda kwehamu naiwe, tinakwetegyereza, nshoborora niki ekyorikuguza?

Omwishiki: Noshisha torikurahuka kukyenga; ninyetunda, ninguza ebyomubonano. Ebyomubonano! Iwe oyine sente?

Omurangi: Ahabwenki, aah…tinzine kwonka nabwo tinkakwetegyereize. Ori omwana, oboneire kandi norebekagye. Ahabwenki nokora eki? Eka yanyu nekutekyererezahoki?

Omwishiki: Eka yeitu netekyerezakyi? Eka yeitu netekyereza ingu erimu enjara. Eki ninkikora ahabweka yeitu. Omusheija wangye arwaire munonga kandi tarikushohora, nyine abaana bashatu. Nkakora kyoona ekirikubaasika ingu nkatunga omurimo, nkaba nimbasa kukora burikimwe kyoona, kwonka tiheine wabaasize kumpa omurimo.

Nkareeba turi abokuhwaho ekinabeire nimbasa kukora nokuguza omubiri gwangye. Nahati nimbasa kukora ekindi kyoona. Kwonka tindikubasa kushutama nkareeba abaana bangye nibafa. Eki nikyo nsigeize kukora! Nahabwekyo iwe nyesasira, ndeka ngyende nze kuronda abeine sente eiwe waba oteine kantu.

Omusigazi ondiijo: (Arikwizira omwishiki). Murungi wangye noyenda zingahi? Nitubasa kugira ekitwakora.

Omurangi: (Yayemerera ahagati yomutsigazi nomwishiki) iwe Ssebo, tindikukukyenga, nomanyisa noyenda kugura ebyomubonano aha mwishiki ogu?

Omusigazi: (Yagambira omwisiki) Ogu omugurutsi wamushanga nkahi? (Yagambira omurangi ati) mazima ninyenda kugura ebyomubonano. Omwishikyi ogu nikyo kyamureeta aha kandi nanye nikyo kyandeeta. Nareebekagye, nomuyonjo kandi nimpurira nimwenda.

Omurangi: (Yagambira omusigazi) Kwonka kanoshusha ingu ori omufumbo, kandi omukazi wawe! Naabo baana baawe! Obwenzi bwawe nogira ingu nibukuru munonga kukira ekizibu ekiwaza kuretera abeka yawe? (Yagambira omwisiki) kale ngambira, omusheija akarwara ata?

Omwisiki: Omusheija wangye akakwatwa akakoko ka silimu obuyabaire ari omuvugi wa’Rore. Akabanza kubamugye, kwonka yarwara orukororo yaguma nahwerera buri keire. Ahwereiremu kimwe amani kandi nintekyereza ingu ariheihi kufa.

Omustigazi: Omukazi wangye nabaana nibatura omukyaro mayiro 2oo kurugaa hanu. Nkeija omururembo kupakasa kandi nintaha ahanyima yamezi abiri. Ninkira kuteganisibwa kuguma nyenka namunonga ahamuheru gwa wiiki naba ntarikukora ntyo nyija ahamwanya ogu kuronda abakuumara eihamba.

Omurangi: (Ahinduka areba abantu, obwo omusigazi nomwishiki bagarukayo bashutama). Eri ni eihanoki, eriri aha hamwe nomwihanga ryoona!! Abakazi bato nibagyemeserezebwa kukora obwamaraya ahabwokuba abasheija baabo barwaire kandi tibeine kubarayebeiseho.

Abasheija nabo nibaza omuri bamaraya, bata amaka gaabo omukabi, ingu obwo nibaronda abokubamara eihamba ahabwokutura hare namaka gaabo!! Nitutekwa kuhwera abari omumbera ezi.

Imwe abarikuruga omumaramizo, Yesu tarabaragire, ingu muhwere abo abari omukushoberwa? Akabaire atagambire ekyo kuri habaire hariho ekindi kyokukora?

Ekitebyo kya Pasita Yohaana n’omukaziwe Mariya:

Pasita Yohaana nomukaziwe Mariya, bamazire emyaka mushanju omubushwere kandi bashemereirwe. Baine abaana bashatu kandi Mariya namara obwire bwingi arinabo omuka.

Ekanisa nekura namani, nahabwekyo Pasita Yohaana nomuhandikyiwe Rusiya, nibaguma hamwe ahakanisa kumara ebiro byingi omunterane nemirimo y’ekanisa. Rusiya takashwirwe, najwara omumuringo gurikusikiriza, kandi nayoreka okufayo kwingi ahari Yohaana, obwo arikumutebekanisiza ebyokurya na cyayi.

Pasita nomukaziwe nibamara hamwe obwire bukye munonga kandi nibaba baruhire batarikubasa kugira ekibayegasira omubyomubonano.

Pasita Yohaana atandikire kutekyereza ingu Rusiya namuyamba munonga ahakanisa nahamagarage kukiza omukaziwe. Kandi, ashobeirwe kuyakuba yashwire omukazi atahikire!

OMUZAANO
Okwohebwa:

Entebeekanisa; Seresita na Rooza nibaguza emboga ahamidara yaabo eherereine omukatare.

Seresita: Aah, Rooza, omazire omwaka oshwirwe, amaka nigabagyendera gata, iwe nomwami wawe? Oshemereirwe omubufumbo? Nindeba obwire obwingi oshemereirwe!

Rooza: Eego, nshemerirwe. Ninyesima ahabwokuba abazaire bangye bakantoranira Filipo. Ashomiregye, ayinee omurimo murungi kandi, twiine enju nungi.

Nankunda munonga! Kubaramwongyeze omushaara esabiiti erikwija nitutekateka kutandika amaka. Emyaka ebiri ehingwire tukaba tutarikumanyana, kwonka hati twine rukundo.

Seresita: Nashemererwa kuhurira ekyo. Abazaire bangye bakagyezaho kumpingira munywani weka yeitu nayanga. Ogu nomurembe ogundi, ninza kuronda omusheja owangye, kandi nshemereirwe, nomanya Dawudi, omushomesa musya hariya aheishomero?

Nintekyereza ingu niwe ogwo. Nayenda ingu tukitahemu, kandi ku kirabasike, nitwija kutandika amaka ahanyima yemyaka mikye.

Rooza: Nintekateka ingu egyo nezakuba eri enshobe mpango, kwonka nigo magara gawe. Kworabe nokunda nintekateka ingu akagizire obumanzi okushweera, kukira okugura ingu mubanze muture hamwe.

Seresita: Kwonka ori omuntu wenyima. Ooh, reeba Oriya omusheija arikwija kunu, kunakumutunga ogu, nkareka Dawudi! Omusheija muringwa wamaani, yatambura yahika ahabeishiki. Omungaroye ayinemu ecupa ya sooda erikufukirira. Eiziina rye ni Mariko.

Mariko: Hatishi Rooza, omushana kanigwotsya munonga, noyendamu ekyokunywa kirikufukirira? Nangwa nokukiraho. Ahabwenki otarikwija tukagyenda hamwe ahameizi tukatungaho otwarwa twokunywa! Mariko yakwasa Rooza ecupa ya sooda, atyo yagyenda, Rooza ateine ekyamugarukiremu.

Seresita: (Yeimutsya ebitsigye byamaishogye) yamubuza ati, “ogu yaba ari oha?”

Rooza: (Akwitse ecupa ya sooda) Ogu ni Mariko. Nakora ahakwomubeizi, kandi nyowe nawe nituba nituzana, tiheine ekyamani ekiriho.

Nikirungi kugira omusheija murungi arikukuha obwire nobuwakuba wakeikwiire. Kwonka reka tugarukye ahamidara yeitu.

Muganiire ahabibuzo eb; iwe nomukundwa waawe.

1. Rooza ari omukabi?

2. Ari omukwohebwa?

3. Nnihabasa kubahokyi kuyakuza kunywa amarwa na Mariko baheza kukora?

4. Ashemereire kukoraki?

5. Nikibasa kworoba kugira ekihikire ekiyakora ahankoreganaye na Mariko hati neinga esabiti erikwija?

Abanyabuzaare, nabaanyamikago, nabataka nibabasa kukuyamba bata?

• Oronde banywani bawe abarikubasa kukuhwera kuhamisiriza endahiro yawe.

• Oyetantare kugira banywani bawe abatari besigwa omubushwere bwabo. Oyehitsye abafumbo nabanywani baawe bakworekyerere omuhanda oguhikire.

• Otorane abafumbo aborikuha ekitinisa, abeine obushweere burungi, abarikubasa kukuhabura nomukundwa wawe.

• Oshabe obubangizi bwamukama, nokumanyakwe, obwo orikwegarukamu, orikwehayo ahamukundwa wawe, nebiro byanyu bya nyensya.

Ebirungi byokuba omwesigwa ahamukundwa wawe;

 Okuba abesigwa nikiija kurinda abashwereine obutakwatwa kakooko ka sirimu, nendwara zobushambani (bombi kuba kuguma bari abesigwa igana ahari agana)

 Obwesigwa nibwiija kureeta obusingye omuka, habamu okwesigana namazima

 Obwesigwa niburinda abaana abu murazare okuzarw nakakoko ka’silimu

 Obwesigwa nikimanyisa kutura oteine bwooba bwokwija kukwatwa nondijo muntu kandi atarikwerarikirira kuhenda ekiragano.

 Obwesigwa nibubahereza obwire bwingi bwokubahamwe nk’eka.

 Obushwere oburimu obwesigwa niburungi, burimu amagara marungi, ebitekyerezo birungi kandi, niburetaho ebyanga ebihamire.

 Ebyanga ebirimu obwesigwa birimu entunguka, abantu nibakora munonga, basharura kandi bagira obuhereza burungi kukira ebyanga ebirimu akakooko ka silimu nasilimu.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s