OKOKUKWAATWA AKAKOOKO KA SIRIMU: ABAKAZI BARI OMUKABI KAHANGO

ABAKAZI BARI OMUKABI KAHANGO:

Enshoonga ezikutuma abakazi baza omukabi kokukwaatwa akakoko ka silimu niziiha?

a) Embaganiza zobuhangwa; kworikukuratira ebikorwa byobuhangwa noshanga ingu boona abakazi nabasheija bari omukabi kokukwatwa akakooko ka silimu. Ebimwe nebi;

 Abasheija kubyama nobwishiki buto

 Abakazi obutebasa omubyentatya

 Abakazi obuteshariramu

 Abasheija kugira eiraka rihango omumaka

 Ekyetago kyabasheija kuterana omubyomubonano kwenda kuhamya kubari abasheija buzima

b) Abasheija kugira eiraka rihango omubushwere

c) Enkorwa yabakazi (abakazi beine omwanya muhango kukira abasheija, kandi okucwekacweka omubukazi, byoona nibituma abakazi baza omukabi kahango okukwatwa akakoko ka silimu

d) Tibarikubasa kusharamu neinga kuramuza ahakukozesa kondomu

e) Nibakira kuhambwa nokugyemwa kuterana omu byomubonano

f) Tibarikubasa kusigaho obushwere butaboneire ahabwokuba tibarikubasa kwebeisaho

Ekitebyo kyobushwere bwa Mariya na Jimu

Mariya na Jimu bamazire emyaka ebiri omubufumbo. Amaka gaabo gombi, nigo gatebekanise obushwere bwabo. Mariya ayine emyaka 17 kandi Jimu ayine emyaka 26 yobukuru.

Mariya akaguma ashugeine okuhitsya obuyashwerwa Jimu. Obushwere bwabo bukaba nibuhenda ebiragiro ahabwokuba obuyashwerwa Jimu akageitwa akiri omwaana.

Jimu atweire nakora omu rurembo kuruga ahamyaka 20 yobukuru. Mariya akakurira omukyaro hare munonga kuruga omururembo.

Ahanyima yokugeitwa akeija omururembo kutura nomusheijawe. Mariya akahurira abataahi nibagira ingu Jimu akaba agirayo abakundwa beingi. Eizooba rimwe kuyamuburize yamutera.

Hati Jimu nahurira ashobeirwe kandi atiinire, nahurira nahwamu amaani kandi tarikubasa kugira owuyagambira. Nayija omuka ekiro munoga nari obumwe abura kwiija.

Mariya nafayo munonga ahabwesindo ya Jimu nokuguma nataaha ekiro. Yasharaho kugambiraho omukazi mukuru owabeire atwire heihi nawe, kandi owabeire amwitsize embabazi. Natekyereza ingu ishenkazi Recho nabaasa kumuhweera. Recho akaba ari omushaho, omukarwariro akabeire Kari omukyaro.

Mariya kuyamugambire ebye na Jimu, yamugira ingu atagaruka kuterana nomusheijawe. Yamugambira kuhabura Jimu kuza kwechebeza ahabwebizibu by’amagara ebiyabeire natunga.

Yagaruka yamugira ingu abase kukozesa ebyokwerindisa omukuterana kandi yamugira ingu Jimu nabaasa kuba ayine akakoko ka silimu neinga endiijo ndwara yobushambani. Ishenkazi Recho, yahabura Mariya kutaaha omukibiina kyabakazi abiine ebizibu nkebye. Omukibiina eki abakazi nibahanura ahakwegyesibwa nokwekyebeza akakoko ka silimu, ekibarikukora omumuringo gwekihama.

Mariya yagira obwoba ahanshoga yeiba kuyakumanya ebiyaganire n’ishenkazi Recho. Tarikubasa kwanga kuterana omubyomubonano nomusheijawe kandi tarikubasa kukimugambira. Omuryebyo byona Jimu nayongyera kutabuka nokugira ekiniga.

1. Notekyereza ingu nahabwenki Mariya atarikubasa kuganiira nomusheijawe?

2. Notekyereza ingu nahabwenki Jimu atarikubasa kugambira omukaziwe ahabizibu by’amagarage?

3. Ahabwenki Jimu atabukire munonga kandi ayine ekiniga?

4. Mariya nabasa ata kwerinda akakoko ka sirimu nendwara zobushambani?

5. Mariya na Jimu nibabaasa bata kumara ebizibu byaabo?

6. Swenkazi Recho akabasa kugumizamu ata kuhwera Mariya?

7. Abakazi abari kushoma ekitabo ekyi nibabasa bata kukora obwashwenkazi Rwecho kuhwera abakazi abari nka Mariya?

8. Abakazi abari kushoma ekitabo ekyi nibabasa bata kuhabura nokuhwera omuntu owakuba ayine ebizibu nka Mariya?

9. Abasheija abari kushoma ekitabo ekyi nibabasa bata kuhwera nokuhabura omushaija ori nka Jimu?

10. Abasheija abari abari kushoma ekitabo ekyi nibabasa bata kuhindura emicwe yabantu abari nka Jimu?

Nimberaki ezirikutwara abafumbo omukwohebwa bakabura kuba abesigwa;

• Kumara obwire bwingi oriwenka kandi orikutura nomuntu wobuhangwa obundi kandi atari mukundwa wawe.

• Kuza munonga aha baara nemyanya yokuziniramu.

• Kujwara ebirikworeka ebichweka byomubiri ebirikusikiriza abantu bobuhangwa obundi.

• Kutura hare neka yawe okamara obwire otarikureba abowawe.

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s